سندھ میں 15 فروری تک سی این جی اسٹیشنز بند رہیں گے
(ڈیلی طالِب)
سندھ میں سی این جی اسٹیشنز کو ڈھائی ماہ کے لیےگیس بند کرنےکا فیصلہ کرلیا گیا۔
سوئی سدرن گیس کمپنی (ایس ایس جی سی) کا کہنا ہےکہ یکم دسمبر سے 15 فروری تک سندھ بھر میں سی این جی اسٹیشنز کو گیس کی فراہمی بند رہےگی۔
ایس ایس جی سی کا کہنا ہےکہ طلب و رسد کا فرق بڑھنے اور گھریلو صارفین کی ضروریات پوری کرنےکے لیے یہ فیصلہ کیا گیا ہے۔
خیال رہےکہ غیر برآمدی صنعتوں کو پہلے ہی گیس کی سپلائی بندکردی گئی ہے۔
رہنما آل پاکستان سی این جی ایسوسی ایشن غیاث پراچہ کا کہنا ہےکہ سندھ میں ڈھائی ماہ کے لیے سی این جی اسٹیشنز بند کرنا ظلم ہے، سی این جی سیکٹر سے مشاورت نہیں کی گئی، یک طرفہ فیصلہ نہیں مانیں گے۔
غیاث پراچہ کا کہنا ہےکہ سی این جی اسٹیشنز بندکرنے سےلاکھوں افرادکا روزگار متاثر ہوگا، سی این جی سیکٹرکا ترجیحی فہرست میں آخری نمبر ہونا غلط بیانی ہے۔
- About the Author
- Latest Posts
Ghufran Karamat is a Senior Columunts who work With Daily talib
