لاہور: رواں سال اب تک بچے، بچیوں سے زیادتی کے کتنے واقعات ہوئے؟ ریکارڈ جاری
(ڈیلی طالِب)
لاہور پولیس نے رواں سال اب تک بچوں اور بچیوں سے زیادتی کے واقعات کا ریکارڈ جاری کردیا۔
پولیس ریکارڈ کے مطابق رواں سال 73 بچوں اور 14 بچیوں کے ساتھ زیادتی کے واقعات رپورٹ ہوئے جب کہ 9 ماہ میں 2 بچیاں زیادتی کے بعد قتل کی گئیں۔
پولیس ریکارڈ کے مطابق بچوں سے زیادتی کے مقدمات میں 63 اور بچیوں سے زیادتی کے کیسز میں 23 ملزمان کو گرفتار کیا گیا جب کہ بچوں سے زیادتی کے 9 مقدمات جھوٹے نکلے اور 36 ملزمان کا چالان کیا گیا، بچیوں سے زیادتی کے 12 مقدمات کے چالان مکمل کیے گئے۔
پولیس ریکارڈ میں بتایا گیا ہےکہ کم سن بچے بچیوں سے زیادتی کے 12 مقدمات زیر تفتیش ہیں۔
- About the Author
- Latest Posts
Ghufran Karamat is a Senior Columunts who work With Daily talib
