اپوزیشن پہلے پاؤں پر کھڑا ہونا سیکھے، سازشیں کرکے کامیاب نہیں ہوسکتے، فواد کا طنز
(ڈیلی طالِب)
وفاقی وزیر اطلاعات فواد چوہدری نے اپوزیشن پر طنز کرتے ہوئے کہا ہے کہ اپوزیشن پہلے اپنے پاؤں پر کھڑا ہونا سیکھے، ہر وقت سازشیں کرکے کامیاب نہیں ہوسکتے۔
میڈیا سے گفتگو میں فواد چوہدری کا کہنا تھاکہ کالعدم تحریک طالبان سےمذاکرات آئین کے مطابق اور اسے ماننے کے بعد ہی ہو رہے ہیں۔
ان کا کہنا تھاکہ آئین و قانون کے احترام کی شرط پر مذاکرات کامیاب ہوں گے، مذاکرات کے ذریعے اب مسائل کو مستقل طور پر ختم کرنا ہو گا۔
اپوزیشن کو تنقید کا نشانہ بناتے ہوئے فواد کا کہنا تھاکہ اپوزیشن پہلے اپنے پاؤں پر کھڑا ہونا سیکھے، ہر وقت سازشیں کرکے کامیاب نہیں ہوسکتے، اپوزیشن کو ڈیڑھ دو سال اور صبر کرنا پڑے گا، پھر مزید پانچ سال، نہ لیڈر ہے نہ پروگرام ہے۔
افغان عوام کیلئے ریلیف کی بات کرتے ہوئے ان کا کہنا تھاکہ افغانستان میں آٹے چاول کیلئے بچوں کو بیچا جارہاہے، چاول اور گندم افغانستان کو بھجوارہے ہیں۔
- About the Author
- Latest Posts
Ghufran Karamat is a Senior Columunts who work With Daily talib
