پاکستان کا نیوکلیئر سیکیورٹی کی بہتری کے لیے اقدامات جاری رکھنے کا اعلان.
(ٰڈیلی طالِب)
اسلام آباد: نیشنل کمانڈ اتھارٹی نے پاکستان کی اسٹریٹجک صلاحیتوں کی رفتار پر اطمینان کا اظہار کرتے ہوئے نیوکلیئر سیکیورٹی کی بہتری کے لیے اقدامات جاری رکھنے کا اعلان کردیا۔
وزیراعظم عمران خان کی زیرصدارت نیشنل کمانڈ اتھارٹی (این سی اے) کا اہم اجلاس ہوا، جس میں چیف آف آرمی اسٹاف جنرل قمر جاوید باجوہ، ڈی جی آئی ایس آئی جنرل فیض حمید، چیئرمین جوائنٹ چیفس آف اسٹاف کمیٹی، مسلح افواج کے سربراہان اور وفاقی وزرا شریک ہوئے۔
اعلامیے کے مطابق نیشنل کمانڈ اتھارٹی نے کمانڈ اینڈ کنٹرول سسٹم پر مکمل اعتماد اور پاکستان کے تزویراتی اثاثوں کی حفاظت کیلئے سیکیورٹی اقدامات پر اظہاراطمینان کیا۔
نیشنل کمانڈ اتھارٹی نے ایک بار پھر اس عزم کا اعادہ کیا کہ ’پاکستان ایک ذمہ دار جوہری ملک ہے،جو نیوکلیئرسیکیورٹی کی بہتری کیلئے کردار ادا کرتا رہےگا‘۔
اعلامیے کے مطابق نیشنل کمانڈ اتھارٹی کو خطےمیں جاری تنازعات پربھی تفصیلی بریفنگ دی گئی، جس پر شرکا نے روایتی اور اسٹریٹجک سطح پر بڑے پیمانے پر ہتھیاروں کے عدم استحکام پر تشویش کا اظہار کیا اور اسے امن و سلامتی کے لیے نقصان دہ قرار دیا۔
این سی اے کا اعلامیہ میں کہنا تھا کہ ’پاکستان جوہری عدم پھیلاؤ کو بہتربنانےکیلئےکردار ادا کرتا رہے گا‘۔
این سی اےنے پاکستان کی اسٹریٹیجک صلاحیتوں کی رفتارپربھی اطمینان کا اظہار کرتے ہوئے تربیت کےاعلیٰ معیار، اسٹریٹجک فورسزکی آپریشنل تیاریوں کوبھی سراہا جبکہ مقاصدکےحصول میں کوشش کرنے والےسائنس دانوں اور انجینئرز کی تعریف بھی کی۔
- About the Author
- Latest Posts
Ghufran Karamat is a Senior Columunts who work With Daily talib
