کیا امیتابھ بچن نے بھی دبئی اسٹیڈیم میں پاک بھارت میچ دیکھا؟
(ڈیلی طالِب)
کرکٹ فینز نے پاک بھارت میچ کے دوران دبئی کرکٹ اسٹیڈیم میں بالی وڈ میگا اسٹار ‘ امیتابھ بچن’ کو تلاش کرلیا۔
گزشتہ روز دبئی کرکٹ اسٹیڈیم میں پاک بھارت ٹاکرا ہوا جس میں پاکستان نے تاریخی فتح حاصل کی اور 10 وکٹوں سے بھارت کو دھول چٹائی۔
بھارتی ٹیم کو سپورٹ کرنے بالی وڈ کے کئی بڑے نام گراؤنڈ میں موجود تھے جن میں اکشے کمار، پریٹی زنٹا، ویویک اوبرائے اور اروشی روٹیلا سمیت کئی نام شامل ہیں۔
بھارت اداکاروں کے ساتھ ساتھ کئی سابق بھارتی کرکٹر بھی گراؤنڈ میں موجود تھے تاہم شائقین کرکٹ نے بھارتی کرکٹرز اور اداکاروں کے ساتھ موجود ایک عرب باشندے کو میگا اسٹار امیتابھ بچن سے مشابہت دے دی ہے۔
سوشل میڈیا صارفین نے امیتابھ بچن کی سر پر رومال لپیٹے فلم کی تصاویر لگا کر اکشے کمار کے ساتھ موجود ان سے مماثلت رکھنے والے شخص کو بگ بی قرار دیا۔
سوشل میڈیا صارفین نے لکھا کہ سب اکشے کمار کو دیکھ رہے ہیں لیکن ‘امیتابھ بچن’ بھی پاک بھارت میچ دیکھ رہے ہیں۔
- About the Author
- Latest Posts
Ghufran Karamat is a Senior Columunts who work With Daily talib
